kommunidad

Sa paglipas ng panahon, tumataas ang konsentrasyon ng polusyon ng hangin sa bansang Pilipinas. Dahil sa polusyon na nanggagaling sa mga pabrika, kotse, gasolina at eroplano, may mga negatibong epekto sa kalikasan at  sa mga mamamayan katulad na lamang ng sakit sa baga at puso, hika at maaring humantong pa sa kamatayan. Kung kaya’t ang aming layunin ay ang pagpapalaganap at pagsasagawa ng “green roofs” sa bansa nang sa gayon ay mabawasan ang “carbon dioxide” sa hangin upang mapaunlad ang pangangalaga sa kalikasan at ang pagsalba ng napakaraming buhay.

Ang edukasyon ay mahalaga sa bawat isa dahil dito nakasalalay ang kinabukasan ng bawat tao at kung ano ang kanyang kahihinatnan dito sa mundo. Lahat ng mga mamamayan ay nararapat na bigyan ng pantay na karapatan na pumasok sa paaralan upang madagdagan ang kanilang kaalaman. Dahil dito, ang kampanya ng mga mananaliksik ay ukol sa edukasyon para sa lahat, maging mga mayayaman o mahihirap

Ang kampanyang ito ay para sa mga Lumad na nagdudurusa dahil sa gobyerno ng ating bansa. Ninanais ng kampanyang ito na makatulong sa mga Lumad sa pamamagitan ng pagmamulat tungkol sa tunay na kalagayan ng mga katutubong ito at makapangalap ng mga materyal na donasyon para sa kanila.